Atiku Abubakar ya taya tawagar Tamaula ta mata murnar samun tagulla.

 Atiku Abubakar ya taya tawagar Tamaula ta mata murnar samun tagulla.

✍️ Abdul gaffar isah

Ɗan takarar shugabancin kasa a jam'iyyar PDP Atiku Abubakar ya taya tawagar Flamingoes murnar samun tagulla, a gasar cin kofin duniya na mata.

A wani saƙo daya wallafa a shafin sa na facebook ya bayyana cewar " Ina taya Flamingoes din mu murnar samun lambar tagulla a gasar cin kofin duniya na mata na ƴan ƙasa da 17 a Indiya. 

Ya kuma bayyana cewa " Fiye da mako guda da suka gabata, sun sami cancantar shiga gasar cin kofin duniya ta mata ta ƴan ƙasa da 17 a karon farko.  Yau kuma sun kawo mana lambar yabo. 

A ƙarshe Atiku ya bayyana matuƙar jin daɗin sa da wannan lambar yabo da suka samu.

Babu ƙanshin gaskiya a maganar cire rubutun ajami a kuɗin Nageriya

 

Tambai ya yabawa Ganduje kan ayyukan raya ƙasa.

 Tambai ya yabawa Ganduje kan ayyukan raya ƙasa.

✍️ Abdul gaffar isah

Shugaban ƙaramar hukumar Dawakin Tofa Hon. Alh Ado Tambai Ƙwa ya yabawa Gwamnan jihar Kano Dr. Abdullahi Umar Ganduje bisa ayyukan raya ƙasa da yayi a Dawakin Tofa.

Shugaban yayi godiyar ne lokacin da yake jawabin sa a gaban me girma Gwamnan jihar Kano da kuma mai martaba sarkin Bichi Alh DR. Nasiru Ado Bayero a yayin ƙaddamar da buɗe asibitin ido a Dawakin Tofa.

Tambai yace Babu shakka dole a yabawa Ganduje kan ayyukan jigaban al'umma a Dawakin Tofa.

Ya fara da lissafa ayyukan tituna, da gyara wasu daga cikin makarantun Gwamnati, da kai makarantar sojin ruwa, duka a Dawakin Tofa.

Sai dai yayi wani roƙo ga Gwamnan kan tabbatar da Makarantar kiwon lafiya wadda yace ya bayyana tafiyar tata da tafiyar hawainiya.

Yace "suna ƙoƙarin kai Ɗalibai makarantu da dama a wasu garuruwa, wanda idan akwai makarantar a Dawakin Tofa zasu sami sauƙi.

Wani Bature Ya Koma Baki Bayan Shan Wani Magani.

 Bature Ya Koma Baki Bayan Shan Wani Magani

Daga: Abdul gaffar isah

Wani Ba’amurke farar fata daga Jihar Lousiana da ke Amurka mai suna Tyler Monk launin fatarsa ya koma baki ba sakamakon shan wani maganin hana damuwa da aka rubuta masa.

Jaridar Daily Mail ta ce wani likita ne ya rubuta wa Tyler Monk wani magani mai suna Prozac a watan Mayun bara sakamakon gano yana fama da ciwon damuwa da gajiya.

Cikin mako daya sai fatar Monk mai shekara 34 ta fara canja launi.

Monk, wanda sufeton feshin yaki da kwari ne ya ce ya daina shan maganin bayan makonni kadan – amma fatarsa ta ci gaba da zama baka-baka.

Kunnensa ne ya fara canja launi kafin lamarin ya watsu zuwa wuyarsa da fuskarsa – sai kuma ya mamaye hannu da kafarsa.

Mista Monk ya ce ya kuma hadu da wasu alamun cututtuka da suka hada da jan alama da zafi a ido da yadda yake jin mugun zafin rana a jikinsa da kuma jin tamkar ya kone.

Da farko, Tyler bai yarda abin da mutane ke fadi cewa fatarsa na sauya launin ba lokacin da abokan aikinsa ke labarta masa bayan sun fahimci sauyin a jikinsa.

Sai dai bayan da abokansa da yawa suka fada masa cewa launin fatarsa na sauyawa kuma ya fara gani a jikinsa ne ya fara yarda da lamarin inda ya yanke shawarar zuwa asibiti don a duba lafiyar fatarsa.

Duk da cewa likitocin fata da yawa sun bincika tare da duba fatar tasa sun gaza gano abin da ya haifar da sauyin launin fatar.

Sai dai Tyler ya yi zargin cewa maganin rage damuwa da ya taba sha ne ya yi sanadiyyar hakan duk da likitoci ba su tabbatar da hakan ba.

Bayan yunkurin da likitocin suka yi na gano abin da ke damun fatar tasa ya ci tura ne Tyler ya hakura gaba daya ya rungumi kaddarar da ta fada kansa.

Mutanen da ke bibiyar al’amuran Tyler a TikTok da sauran shafukan sada zumunta da yake amfani da su, sun gano cewa launin fatar tasa ya sauya daga yadda suka san shi a baya.

Wasu daga cikinsu sun taya shi alhinin wannan lamari da ya afka masa inda wasu kuma suka fara zolayarsa da kalmomi daban-daban kan sauyin da ya samu a fatar.

Maganin Fluodetine da ake kira da Prozac, wani maganin ciwon damuwa ne samfurin da aka fi sani da (SSRI).
✍️ Aminya

Bidiyon da yake yawo ɗauke da sabbin ₦ 2000 da ₦5000 na ƙarya ne. Bincike.

Bidiyon da yake yawo ɗauke da sabbin ₦ 2000 da ₦5000 na ƙarya ne.  Bincike

Daga: Abdul gaffar isah

Wani bidiyo ya sake ɓulla dauke da bandir-bandir din ₦ 2000 da kuma ₦ 5000 a shafukan sada zumunta.

Sai dai bidiyon ya bulla karon farko a shekarar 2020 a cewar Mohammed Bello Abbass Dallawa, wani mai sharhi kan al’amuran yau da kullum kamar yadda bincikensa ya nuna.

Shafin bin diddigi na labaran karya na Africa Check, ya bayyana labarin a matsayin na karya ne a ranar 20 ga watan Yulin 2021, inda kuma gano cewa wani shafi mai suna Oriental Times ne ya soma wallafa bidiyon.

Bangaren yaki da labaran karya na BBC shi ma ya gano cewar har yanzu shafin na aiki duk da cewar rajistar Oriental Times ya kare kuma suna shirin sayar da shi.

Bugu da kari, sashen binciken gaskiya na BBC Disinformation, shi ma ya bi diddigin bidiyon da a yanzun ake yadawa wanda wani mai suna @smartgabriel a shafin Tiktok mai mabiya 29,000 ne ya fara yada shi a ranar Litinin 24 ga Oktoban 2022.

Babban Bankin Najeriya CBN ya taba fitar da wani bidiyo mai tsawon dakika 30 a ranar 31 ga watan Mayu, inda ya musanta sahihancin wannan bidiyon na kudaden.

Sannan CBN din ya gargadi ‘yan Najeriya da cewa duk wanda aka kama shi da su zai fuskanci shari’a,sai dai har yanzu ana ci gaba da yada bidiyon jabun kudin a shafukan sada zumunta musamman a kwanan nan da Babban Bankin ya sanar da shirinsa na yi wa wasu takardun Naira sauye-sauye.
- Aminya.Dailytrust

An jibge tarin Net ɗin sauro a Dawakin-Tofa.

 An jibge tarin Net ɗin sauro a Dawakin-Tofa.

✍️ Abdul gaffar isah

Ma'aikatar kiwon lafiya ta ƙasa haɗin gwiwa da kungiyar CRS na Shirin raba gidan sauro, a wani yunƙurin su na Shirin yaƙi da cutar maleriya.

Cutar maleriya dai itace cuta mafi halaka mafi yawan cin mutanen Afrika awani binciken kwakwaf da akayi shekaru da dama, a shekarar 2019 annobar korona ta bulla a duniya amma duk da haka batayi illa ga mutanen Afrika kamar zazzabin cizon sauro ba.

Wannan ne yasa Hukumar daka kula da sha'anin lafiya ta ƙasa da ta jiha haɗin gwiwa da kungiyoyin agaji suke raba gidan sauro dan rage yawan masu kamuwa da maleriyar.

Yau kwana 4 kenan da aka fara kawo gidan sauron wajen ajiya dake Ofisoshin Hisba a ƙaramar hukumar Dawakin Tofa, an kuma kawo Babbar Mota (Trela) 2, washe gari ma aka kawo 2 se jiya shima an kawo 2 wanda jimillar su ya haɗa mota shida kenan.

Me kula da aikin kawo Net ɗin ya sheda min cewa "Wani bincike ya tabbatar da mafi yawan mata da yara da mata sunfi kamuwa da cutar kuma sunfi saurin mutuwa.

Se dai be sheda min sanda za'a fara raba Net ɗin ba, saboda yace "Gaba ɗaya ƙasa ne baki ɗaya.

Muna kira da Gwamnatin Kano data tabbatar mana da Makarantar lafiyar mu. - Tambai Ƙwa.

 Muna kira da Gwamnatin Kano data tabbatar mana da Makarantar lafiyar mu. - Tambai Ƙwa.

✍️ Abdul gaffar isah

Shugaban ƙaramar hukumar Dawakin Tofa Hon. Alh. Ado Tambai Ƙwa ya buƙaci ya buƙaci Gwamnatin jihar Kano data tabbatar  da makarantar lafiya da akace an kawo ta Dawakin Tofa.

Tambai yayi roƙon ne lokacin da yake jawabin maraba yayin gudanarda taron ƙaddamar da Asibitin ido a cikin babban asibitin Dawakin Tofa.

Yace " Aƙalla sun kai Ɗalibai sama da 500 makarantun lafiya a waje, idan wannan makaranta ta tabbata ba zasu sha wahala ba wajen samar musu da guraben karatu.

Sannan yayi godiya da wannan aiki na ido da aka ƙaddamar a ƙaramar hukumar, kazalika ya yabawa ɗan takarar majalisar tarayya Hon. Abba Ganduje bisa gudunmawarsa a wannan tallafi.

Mun yiwa kanawa kyakkyawan tanadi. - Sunusi Bature.

Mun yiwa kanawa kyakkyawan tanadi. - Sunusi Bature

✍️ Abdul gaffar isah

Me magana da yawun Ɗan takarar Gwamnan jihar Kano Abba gida-gida a jam'iyyar NNPP sunusi Bature Dawakin-Tofa yace " Akwai kyakkyawan Tanadi da Abban ya shiryawa kanawa, wanda za'a bayyana nan ba da daɗewa ba.

Sunusi ya bayyana haka ne ta cikin wani jawabi da ya yiwa manema labarai, game da rashin halartar Abba gida-gida wani taron da aka shiryawa ƴan takara.

Sunusi dai ya bayyana cewar "Dr. Abubakar Yusuf labaran ya wakilci Ɗan takarar a wancan taro se dai tunda bashine ɗan takara ba  bazai sami damar shiga ba.

Se dai kakakin jam'iyyar NNPP ɗin Sunusi Bature yace duk da haka suna da ƙudure-ƙudure masu kyau a harkar lafiya, Noma, ilimi da sauran al'amuran rayuwa. Wanda yace nan bada daɗewa ba Ɗan takarar su Abba gida-gida ze ƙaddamar dasu a bainar jama'a.

Kwankwaso Zai Kawo Sama Da Kuri'a Miliyan 50 Arewa A Cewar Buba Galadima.

Kwankwaso Zai Kawo Sama Da Kuri'a Miliyan 50 Arewa A Cewar Buba Galadima. 

✍️ Abdul gaffar isah

Tsohon mamba a kwamitin amintattu na jam’iyyar APC, Injiniya Buba Galadima, ya ce Kwankwaso ne zai lashe zabe a dukkan jihohin arewa 19 a zaben shugabancin kasa na 2023 dake zuwa. 

Cikin wata  tattaunawa da gidan talabijin na Channels TV, a jiya Alhamis, Nuna Galadima yace Kwankwaso zai lashe zabe a shiyoyi uku na arewa kuma ya samu kuri’u a inda abokan hamayyarsa ke da karfi. 

PDP bata kan takardar kada kuri’a saboda karfin ta a kudu maso gabas ne wanda kuma Peter Obi suke yi.

 Wurin da PDP ke da karfi kuma shi ne kudu maso kudu. Kamar yadda Wike baya goyon bayan Atiku, kudu maso kudu ta kubuce masa.” 

Buba Galadima yace Arewa dukkanta ta Kwankwaso ce saboda zai kawo Taraba, Adamawa, Gombe da Bauchi wanda ya hada da gwamnoninsu. 

“Zai yi nasara a arewa maso gabas, arewa ta tsakiya kuma ya kawo arewa maso yamma. Idan aka hada duka, zasu samu kuri’u sama da miliyan hamsin. 

Kwankwaso zai samu wani kaso a kudu maso kudu, kudu maso gabas da kudu maso yamma. 

Saboda haka inada tabbacin kada da daɗa, kada ka rage Kwankwaso ne zai lashe zaben shugaban kasa a cewar Buba Galadima.

Sarkin Bichi yace wajibi ne mutane su riƙa kula da Lafiyar su.

 Sarkin Bichi yace wajibi ne mutane su riƙa kula da Lafiyar su.

✍️ Abdul gaffar isah

Mai martaba sarkin Bichi Alh Dr. Nasiru Ado Bayero yace " Dole mutane su kula da lafiyar su, musanman lafiyar idanu.

Hakan ne zuwa ne lokacin da yake mika jawabin sa yayin ƙaddamar da Asibitin ido wanda aka buɗe a Dawakin Tofa.

Mai martaban ya yabawa Gwamnatin jihar Kano bisa haɗa taron gangamin dan tallafawa masu larurar ido saboda inganta lafiyar al'umma.

Sarkin yayi kira ga al'umma dasu riƙa bin shawarwarin likitoci, su kuma riƙa zuwa ana duba lafiyar su, dan kaucewa makanta, ya ƙara da cewa suma masu hawan jini da ciwon suga su kula sosai saboda wani lokacin suna da alaƙa da kawo ciwon makanta.

Kazalika yayi kira da cewar " Ariƙa kula da tsaftace jiki da muhalli, akuma riƙa zuwa asibiti akan lokaci.

A ƙarshe ya rufe jawabin nasa da Addu'ar zaman lafiya, da ƙaruwar arziki da wadata.

Ganduje ya buɗe asibitin Ido a Dawaki.

 Ganduje ya buɗe asibitin Ido a Dawaki

✍️ Abdul gaffar isah

Yanzu-yanzu: Gwamnan Kano Dr. Abdullahi Umar Ganduje ya buɗe asibitin Ido a Dawakin Tofa.

Gwamna Ganduje ya buɗe asibitin ne da yammacin wannan rana ta Alhamis a Babban Asibitin ƙaramar hukumar dake cikin garin Dawaki, da tallafin Ɗan takarar majalisar tarayya a Dawakin Tofa, Tofa, R/ Gado.

Ajawabin Gwamnan lokacin ƙaddamar da buɗe wannan asibiti yace "sunyi amfani da wannan rana ne wadda majalisar dinkin duniya ta ware kan bikin kula da masu larurar ido, domin yin ayyuka guda uku.

1. Buɗe wannan Asibitin na ido wanda yake acikin Babban Asibitin ƙaramar hukumar Dawakin Tofa.
2. Aikin Haƙora ga masu ɗauke da larurorin haƙori kyauta.
3. Ƙaddamar da kwamitin daze riƙa kula da wannan asibiti.

Shima anasa jawabin me martaba sarkin Bichi Alh. Nasiru Ado Bayero yabawa Gwamnatin Kano bisa wannan gagarumin aiki, ya kuma yi kira ga al'umma dasu riƙa bin shawarwarin likitoci musamman bangaren daya shafi Ido.

Kwamishinan lafiya na jahar Kano Dr Tsanyawa shima ya yabawa Gwamnan Kano ya kuma bayyana cewa sama da mutane 4000 ne zasu ci gajiyar wannan aiki na Ido da Haƙora kyauta. A mazaɓun Dawakin Tofa, Tofa, R/Gado.

Kwankwaso zai ƙaddamar da kundin manufofin mulkinsa a ranar 1 ga Nuwamba

Kwankwaso zai ƙaddamar da kundin manufofin mulkinsa a ranar 1 ga Nuwamba

✍️ Abdul gaffar isah

A ranar 1 ga watan Nuwamba ne dan takarar shugaban kasa na jam'iyyar New Nigeria Peoples Party, NNPP, Sanata Rabi'u Kwankwaso zai ƙaddamar da kundin manufofin mulkinsa idan ya ci zaɓen shugaban kasa.

An bayyana hakan ne a cikin wata sanarwa mai taken, ‘dage bikin kaddamar da kundin manufofin shugaban kasa da kuma taron RMK na 3,’ wanda jam’iyyar NNPP ta fitar a yau Talata.

Jam’iyyar ta kuma sanar da ɗage taron lakcoci na RMK na 3, inda ta ce a yanzu za a gudanar da taron ne a ranar 31 ga watan Oktoba.

Ya ce dage zaben ya biyo bayan bukatu da ‘ya’yanmu suka yi a fadin kasar, da kuma bayan tuntubar juna da masu ruwa da tsaki.

A wani bangare sanarwar ta kara da cewa, “Taron lakcoci karo na 3 na RMK  wanda wani ɓangare ne na gudanar da bikin cikar Mai Girma Tsohon Gwamna, Engr Sen Dr Rabi’u Musa Kwankwaso shekaru 66 da haihuwa, yanzu zai gudana ne a ranar Litinin 31 ga Oktoba 2022 da karfe 10:00 na safe a A. -Class Park and Events Center, Wuse II, Abuja.

“A wannan rana, Mai Girma tsohon gwamna zai gana da Shuwagabannin Jihohi, Yan takarar gwamna da ‘Yan Takarar Sanata da sauran masu ruwa da tsaki domin yin nazari tare da duba tsarin sa ga Nijeriya da ƴan Nijeriya, yayin da kaddamar da tsarin zai zo a ranar Talata 1 ga watan Nuwamba. 2022.

CBN na shirin kaddamar da sabon katin biyan kuɗi na bai-ɗaya a NajeriyaBanki

CBN na shirin kaddamar da sabon katin biyan kuɗi na bai-ɗaya a Najeriya
Banki

✍️ Abdul gaffar isah

Babban bankin Najeriya CBN ya ce zai ƙaddamar da tsarin katin bai-ɗaya ranar 16 ga watan Janairun 2023.

Za a kaddamar da shirin ne karkashin tsarin yarjejeniyoyi tsakanin bankunan kasar (NIBSS) tare da hadin gwiwwa da kwamitin ma'aikatan banki.

A wata sanarwa da kakakin babban bankin kasar Osita Nwanisobi, ya fitar wanda jaridaun Najeriya suka wallafa, ya ce tsarin zai saukaka kashe kudi tare da rage yawan kudin da ake cazar kwastomomi.

Sanarwar ta ci gaba da cewa ''Najeriya ce kasar ta tafi kowacce karfin tattalin arziki a nahiyar Afirka, da kuma ci gaba a fannin fasahar zamanantar da abubuwa, kuma a kokarin babban bankin kasar na bunkasa fannin fasahar zamani ne ya sa ya kirkiro da wannan sabuwar fasaha''.

Babban bankin ya ce baya ga bunkasa fasahar zamani a fannin kasuwancin kasar, shirin zai bayar da dama ga bankunan kasar su warware tarin matsalolin da ke musu dabaibayi.

Idan aka kaddamar da shirin Najeriya za ta bi sahun kasashe irin su Indiya da Turkiya da China da Brazil wadanda suka daɗe suna amfani da tsarin katin biyan kuɗi na bai-ɗaya, kamar yadda babban bankin kasar ya bayyana.
- BBC Hausa

An raba takardun shiga makarantun lafiya a Dawaki.

An raba takardun shiga makarantun lafiya a Dawaki.

✍️ Abdul gaffar isah

Shugaban ƙaramar hukumar Dawakin Tofa Alh Ado Tambai Kwa ya jagoranci raba takardun Admission ga Ɗaliban lafiya ƴan-Ƙaramar Hukumar.

An raba takardun shaidar daukar daliban ne ga kimanin mutam 50 a makarantun Bichi Academy, da kuma school of Health sciences and technology Kazaure.

Idan baku manta ba abaya mun kawo muku shiri kai tsaye kan yadda shugaban yake raba takardun ɗaukar aiki da kuma bayar da Takardun shiga makarantun gaba da sikandare.

Mun tuntuɓi me kula da wannan ɓangare, ya kuma sheda mana cewa " akwai ɗalibai daza'a cigaba da turawa karatu kyauta nan gaba.

Taron ya samu halartar manyan mutane kama daga shi kansa shugaban ƙaramar hukumar da kuma matemakin sa Alh. Garba lebo da wakilin Hakimi Alh. Kabiru Aliyu da kasiloli da kuma masu bada shawara na musamman.

Wani ɗan ƙasar Malawi ya rushe gidan da ya ginawa matar sa da mahaifiyar ta bayan da wani mutum ya kasa shi.

 Wani ɗan ƙasar Malawi ya rushe gidan da ya ginawa matar sa da mahaifiyar ta bayan da wani mutum ya kasa shi.

✍️ Abdul gaffar isah

Mutumin ɗan ƙasar Malawi me suna farancis Bonda ya rushe gidan ne bayan wani mutumin daban ya kasa shi.

Awani Faifan Bidiyo da aka yada a kafafen sada zumunta Banda yace "tsawon shekaru 13 suna tare da matar tasa kuma sunada ƴaƴa uku.

Alokacin auren nasu Banda yayi ƙoƙarin gina gidaje guda biyu ɗaya na matar tasa ɗaya kuma na mahaifiyar ta.

A cewar Banda matar tashi ta fara soyayya da wani mutumin kuma yanzu haka ma ta bar gida.

Banda yayi ƙoƙarin tuntuɓarta se dai koyaushe wayarta na cikin amsa kira ga shi sanon saurayin nata.

Wannanne yasa Banda ya ɗauki wannan mataki na rushe gidajen biyu Na matar dana mahaifiyar Tata.

Ɗalibai 29 sun sauke Alqur'ani

 Ɗalibai 29 sun sauke Alqur'ani

✍️ Abdul gaffar isah

Makarantar munawwara islamiyya dake ƙaramar hukumar Dawakin Tofa ta yaye ɗalibai 29 da suka kammala saukar Alqur'ani mai girma.

Munawwara islamiyya ta kasance farkon islamiyya a Dawakin Tofa, tanada tsohon tarihi mai ban sha'awa, ta kuma yaye mahaddata da dama.

Ajiya Lahadi makarantar ta yaye dalibai 29 waɗanda suka sauke Alqur'ani mai girma 25 daga cikin su mata ne yayinda 4n suka kasance maza.

A jawabin malamin Qur'anin nasu mal. Ayuba saminu yace "sun fara karatun ne da kusan mutum 60, amma sun kammala da mutane 29, duk da wasu daga cikin ɗaliban sunyi aure.

Shima anasa jawabin mal. Mukhtar Usman yace "sunyi aiki tuƙuru da ɗaliban, kuma babu wani lokaci da ba'a cikin karatu suke ba, tun daga safe, rana, dare.

Shugaban makarantar mal. Musa Muhammad ya nuna matukar farin cikin sa ga wannan sauka.

Suma iyayen yara sun nuna farin cikin su sosai, sun kuma yi godiya ga malaman da suka tsaya kai da fata har ƴaƴan su suka sami wannan karatu.

Suma waɗanda sukayi saukar sun nuna farin cikinsu dakuma godiyar su ga malaman su jajirtattu.

Taron walimar ya samu halartar manyan mutane ciki harda wakilin Hakimin Dawakin Tofa Alh. Kabiru Aliyu.

Nageriya na buƙatar agajin gaggawa.

 Ƴ

an Nigeriya sama da miliyan biyu da rabi ne ke buƙatar agajin gaggawa. - UNICEF

✍️ Abdul Gaffar Isah

Yan Nigeriya fiye da miliyan biyu da rabi ne ke buƙatar agajin gaggawa, kuma kashi 60 cikin 100 yara ne ƙanana, a cewar hukumar dake kula da yaran ta majalisar dinkin duniya UNICEF.

UNICEF tayi gargadin cewa adadin na iya ƙaruwar kamuwa da haɗarin cututtuka daake ɗauka ta ruwan sha, da nutsewa cikin ruwa, da rashin abinci me gina jiki sakamakon mummunar ambaliya da aka fuskanta ashekaru goman da suka gabata.

An bawa Bataye lambar yabo.

 An bawa Bataye lambar yabo

.

✍️  Abdul gaffar isah

An karrama mashawarci na musanman ga shugaban ƙaramar hukumar Dawakin Tofa SA Abdullahi Ishaq Bataye da lambar girmamawa.

Hakan na zuwa ne kwana 2 bayan taron da aka gudanar na ɗaliban lafiya wanda akayi a Dawakin Tofa model primary.

An bawa Bataye lambar yabo tare da naɗa shi Jagoran ƙungiyar wadda Muhammad lawan Musa yake jagoranta.

A jawabin da yayi bayan bashi wannan ƙyauta ya godewa kafatanin ƴan ƙungiyar, sannan ya shawarci ƴaƴan kungiyar dasu haɗa kan su, ya kuma ƙara da cewa " Haɗa kai ne ze bada damar samun cigaba me ɗorewa a wannan ƙungiya, kazalika yace " Babu wani alheri daga Gwamnati daze tsallake ƙungiyar matuƙar suna da haɗin kai"

A ƙarshe ya shawarci ƙungiyar data yi koyi da abinda ƙungiyar NYSC tayi na gudanar da tsaftace muhalli a Dawakin Tofa wato (sanateshin)

Sama da mata 800,000 a Nigeriya ke fama da matsalar yoyon fitsari. - UNFPA

 UNFPA: Sama da Matan Najeriya 800,000 ke fama da yoyon fitsari

✍️ Abdul gaffar isah

Asusun kula da yawan al'umma na Majalisar Dinkin Duniya (UNFPA) ya ce sama da mata 800,000 ne ke fama da cutar yoyon fitsari, yawancinsu a yankin arewacin kasar.

Dr. Danladi Idrissa ne ya bayyana hakan a yayin bikin yaye wasu mutane 50 da suka kamu da cutar yoyon fitsari a cibiyar raya mata da ke Adamawa a ranar Alhamis.

Dokta Idrissa ya bayyana cewa UNFPA tare da hadin gwiwar gidauniyar Fistula da ma’aikatar harkokin mata da ci gaban al’umma sun gudanar da aikin tiyatar kusan mutane 265 daga cikinsu 225 sun warke.

Ya ce sauran 40 din na bukatar a yi babban aikin tiyata wanda ba za a iya gudanar da shi a jihar ba saboda rashin kayan aiki masu inganci.

Ya kuma bukaci iyaye da kada su aurar da ‘yan mata domin kare su daga kamuwa da yoyon fitsari a lokacin haihuwa da kuma hana su kashe kansu.

“Mata na fama da yoyon fitsari idan mafitsara ta fashe a lokacin haihuwa.  Ya zama ruwan dare a yankin arewacin kasar nan saboda aurar da yara kanana, rashin kula da haihuwa, da haihuwa a gida su ne manyan abubuwan da ke haifar da yoyon fitsari”.

“Wadannan matan sun fuskanci mummunan rauni na tunani, saboda yawancin an yi watsi da su kuma rayuwa ta zamar musu kalubale.  Idan suka faraá wari, suna samun matsala a cikin aurensu.

Musa Isa, wanda ya kafa gidauniyar Fistula a Najeriya, ya ce an baiwa wadanda suka tsira daga yoyon fitsari horo na tsawon watanni 4 na horon kasuwanci ya kara da cewa an basu kayan aikin ne don karfafawa gyiwa don dogaro da kai.

Kwamishinan harkokin mata da ci gaban al’umma, Hon.  Lami Patrick ta yaba da kokarin gidauniyar yoyon fitsari da UNFPA kan wannan daukin tare da alkawarin samar da hanyar da za ta taimaka wa sauran majinyata.

Amurka zata temakawa Nigeriya.

 Ƙasar Amurka za ta taimaka wa mutanen da ambaliya ta shafa a Najeriya

Daga: Abdul gaffar isah

Gwamnatin Amurka za ta bayar da taimakon da ya kai na dala miliyan 1 ga mutanen da ambaliya ta yi wa barna a Najeriya.

Tallafin da za ta bayar ta hanyar hukumarta ta raya kasashe masu tasowa (USAID), zai kasance na gaggawa.

Ruwan sama mai tsanani da ya haddasa ambaliya ya janyo illa ga kusan mutum miliyan 2.8 a fadin kasar.

Gidaje da dama sun lalace ko ma sun rushe a sanadiyyar matsalar wadda ta tashi miliyoyin mutane daga gidajensu.

Wannan na kunshe ne a wata sanarwa da ofishin jakadancin Amurkar ya fitar a Abuja a yau Alhamis.

Amurkar ta kuma ce ta damu da yuwuwar ruwan ambaliyar da ya taru a wurare zai iya kara hadarin kamuwa da cutar amai da gudawa da sauran cutuka da ake dauka a ruwa, a jihohin Adamawa da Borno da Yobe.

A wadannan jihohin an samu barkewar cutar kwalara a watan Agusta da Satumba, kuma ta kama mutum akalla 7,750 in ji sanarwar.

A wannan shekarar da ake ciki an samu rahotannin bullar cutar ta amai da gudawa a jihohi 31 daga cikin 36 na Najeriyar.

Kadaura ta rawaito cewa  jakadiyar Amurkar a Najeriya Mary Beth Leonard, ta ce suna cike da jimami kan wadanda ambaliyar ta shafa da suka rasa abubuwa da dama – hanyoyin rayuwarsu da gidajensu har ma da ‘yan uwansu.

Ta kara da cewa Amurka za ta ci gaba da kasancewa tare da al’ummar Najeriya a wannan mawuyacin lokaci.

Sannan za ta yi aiki tare da hukumomin kasar yayin da ake sa ran samun karin ruwan sama da ambaliya a watan Nuwamba, a wasu sassan kasar saboda sauyin yanayi da rashin magudanun ruwa, da nufin samar da karin taimako idan akwai bukatar haka.

Sunan Rara ya ɓata a Rububi.

 

PASSWORD RECOVERY

Recover your password

 Babu Sunan Rarara a kwamitin yakin neman zaben Tinubu na jam'iyyar APC

Sunan fitaccen mawakin siyasar nan, Dauda Adamu Abdullahi Kahutu Rarara, yayi ɓatan dabo a bangaren jarumai da masu nishadantarwa na kwamitin yakin neman zaɓen dan takarar shugaban ƙasa na jam’iyyar APC, Asiwaju Bola Ahmed Tinubu.

A baya bayan nan, an samu rashin jituwa tsakanin mawaki Rarara da bangaren gwamnan Kano, Abdullahi Umar Ganduje, wanda ake zargin Rarara ya yiwa Ganduje habaici a cikin Waƙa, sakamakon zargin da yake kan cewa, anje domin cire sunansa cikin kwamiti, amma shi a wajensa, harkar Tinubu ba sai da takarda ba.

Rarara ya jaa layi da jam’iyyar APC a matakin jihar Kano, inda ya nuna goyon bayansa ga dan takarar gwamnan Kano na jam’iyyar ADP, wato dan majalisa Sha’aban Ibrahim Sharaɗa, abinda bai yiwa da yawa cikin magoya bayan jam'iyyar APC daɗi ba.

Dubu biyar zan riƙa biyan ƴa-ƴa na a wata.

 Dubu biyar zan riƙa biyan ƴa-ƴa na a wata.

✍️ Abdul gaffar isah

Wata mata ta kai tsohon mijinta ƙara, gaban Alkali bisa zargin gaza ciyar da ƴaƴan sa.

Matar dai ta kai tsohon mijin nata ne gaban me Shari'a inda take zargin sa da gaza ciyar da ƴaƴan sa, bayan da yake suka rabu.

Tace dubu 7500 yake bawa yaran su uku duk wata.

Me Shari'a ya tambayi magidancin gaskiyar lamarin, Nan take kuma ya amsa abinda ake zargin sa dashi, se dai yace iya ƙarfin sa kenan.

Me Shari'a Muhammad Sharif yacewa magidancin yayi ƙari kan abinda yake bayarwa, se dai ankai ruwa rana dashi kafin daga bisani ya ƙara ɗari biyar, wato yara biyu dubu biyar, se kuma babban su dubu uku.

Me Shari'a yace ya ɗaga ƙarar zuwa sati me zuwa, se dai yacewa wannan magidancin yazo da shirin sa.

Tabawa Ranar samu

Me ka sani game wannan rana ta Laraba wanda akewa kirari Da (Tabawa ranar samu)

An Kusa Daina Karatun Dare Da Itace A Tsangayun Kano Ta Arewa. Shirin Barau.

 Barau Maliya Zai Rabawa Tsangayun Alkur'ani 1,000 Solar Domin Karatun Dare

An Kusa Daina Karatun Dare Da Itace A Tsangayun Kano Ta Arewa. Shirin Barau

.

Daga: Abdul gaffar isah

A kokarin da yake na kyautata tsarin Makarantun tsangayu a yankin Kano ta Arewa, Sanata Barau I Jibrin Wanda akewa lakabi da Maliya, ya kammala shirye shiryen raba Na'urar hasken wutar lantarki Mai aiki da hasken rana a tsangayu 1,000 na yankin da yake wakilta domin daina Karatu da kirare da Kara alokacin karatuttukan almajirai na dare.

Mai taimakawa Sanatan na musamman Alhaji Hashim Sarki (Chairman ) ne ya bayyana haka alokacin taron Alarammomin Majalisar Mahaddata Alkur'ani Na Jihar Kano masu goyon bayan Takarar ta Barau Jibrin da Dakta Nasiru Yusif Gawuna da Mataimakinsa Murtala Sule Garo da sauran 'yan takarkarun Jam'iyyar APC daga sama har kasa Wanda aka gudanar a cibiyar harkokin addinin Musulunci na Karamar Hukumar Kabo cikin makon da ya gabata.

Hashimu Sarki yace babu shakka Mai girma Sanata Barau na sane da kyakkyawar Alaka Tsakaninsa da Alarammomi Mahaddata Alkur'ani, hakan ce ma tasa yanzu Haka Wakilin al'ummar Kano ta Arewa a Majalisar dattijai ta Kasa Rt. Hon. Barau I. Jibrin ya kammala Shirin rabon Solar ga tsangayu 1,000 na yankin Kano ta Arewa a wani kakari da yake na saukakawa Alarammomi yadda suke gudanar da karatuttukan da daddare a tsangayunsu.

Hakazalika ya bayyana cewa Tafiyar Barau I Jibrin tafiya ce ta Amana tsakaninsa da Alarammomi ahlullahi, yace ko a 'yan watanni da Suka Gabata Sanatan ya rabawa alaramomi, dagatai da masu unguwanni takin zamani domin gudanar harkokin Noma, baya ga rabon abubuwan Hawa domin Suma sun amfana da Wakilcin da Suka tura Dan Majalisar dattijan nasu. Kuma yace kowa ya Kara kwantar da hankalinsa, yanzu Sanata Barau ya Fara Saukewa Jama'ar da yake wakilta kabakin arziki.

Akarshe da yake tsokaci Kan Shirin Majalisar Mahaddata Alkur'ani Na yankin Kan shirye shiryen taron addu'ar Saukar Alkur'ani 1,111 Wanda ake fatan gudanarwa, yace ko shakka babu Sanata Barau mutum ne mai Kaunar addu'a domin itace ke zaune da Jihar Kano  lafiya da Kasa Baki Daya, saboda Haka da yardar Allah Idan lokaci yayi a shirye Sanata yake domin bayar da gudunmawa domin gudanar da wannan taron addu'a domin samun dorewar zaman lafiya da Kuma samun nasarar Zaɓen Shekara ta 2023.

Daga nan Hashimu ya godewa Alarammomin bisa goyon baya da addu'o'in da ake Masa a kowane lokaci, sannan yayi fatan Allah ya Maida kowa gidansa lafiya.

Alokacin taron Shugabannin Majalisar Mahaddata Alkur'ani Na Kananan Hukumomin Shiyyar Kano ta Arewa Goma Sha uku duk sun halarci taron da kuma Jagoran Tafiyar APC daga sama har Kasa na Jihar Kano Gwani Laminu Mahmud Salga da sauran 'yan tawagasrsa ne suka halarci wannan gagarumin taro.
©️ Muhammad Abdullahi

Wata kotu ta yankewa wani mutum ɗaurin wata 6 ko tarar dubu 10

 K

utun Shari'ar Muslunci dake zamanta a Dawakin Tofa, daura da Ofishin ƴan-sanda, ta yankewa wani magidanchi Ɗaurin wata shida a gidan gyaran hali ko zaɓin tara na ₦ dubu goma.

Tun da fari magidancin me suna Muhd Bello ɗan kimanin shekaru arba'in an zarge shi da laifin tare wani mutum me suna Abubakar Abubakar tare da raɗe shi da sanda wanda hakan yayi sanadin ji masa rauni, sannan kuma da kalaman tsoratarwa dana ɓatanci.

Me karanto kunshin tuhume-tuhumen yace A dalilin haka Ƙudin Abubakar kimanin ₦ dubu goma sha biyar sun salwanta, haɗin da wayarsa wanda akayiwa kiyasin ₦ dubu takwas, se kuma kudin magani da Abubakar yasha bayan bugeshi da akayi wanda kuɗin su ya kai ₦ dubu biyu da ɗari biyar.

Koda aka karantawa Bello ƙunshin tuhume-tuhumen nan take ya amsa, se dai yace ba hakan nan ya buge Bello ba, biyo shi yayi ze kaɗe shi da babur shi kuma ya buge shi dan ya kare kansa.

Me Shari'a Muhammad Sharif ya tambayi me ƙara ko haka akayi, Nan take Abubakar ya musanta zargin.

Me Shari'a ya ƙara tambayar Bello meya haɗa su wannan rigimar, Muhd Bello yace shi Abubakar ne yayi lalata da matarsa.

Bello ya ƙara da cewa tun kafin su rabu da tsohuwar matartasa Abubakar yake bibiyar ta.

Se dai Abubakar ya musanta wannan zargi.

Me Shari'a ya tashi wani magidanci don yayi ƙarin haske kan lamarin: mutumin ya fara da cewa dama wannan rigimar tasu tsohuwa ce, kuma ita waccan mata da Bello yake magana akan ta yanzu haka matar Abubakar ce, Kuma an ɗaura auren nema agaban hukumar Hisba. Mutumin ya ƙara da cewa Bello ya saki matartasa amma yayi togaciyar cewa banda Abubakar ya sakarwa.

Bello ya yarda da wannan maganar, sedai yace ai duk da haka Abubakar yana bibiyar matartasa tun basu rabu ba.

Me Shari'a ya tambayi Abubakar abinda ya faru, se yace "Bayan Bello ya saki matar tasa ta gama idda shi kuma yaga yana sonta akayi magana sukayi Aure.

A ƙarshe me Shari'a Muhammad Sharif ya yanke hukuncin wata shida ko zaɓin tara ta ₦ dubu goma ga Bello, bisa lefin ɗaukar doka a hannu. Sannan ze biya Ranko na duk abinda aka rasa.

Ƴan-sanda sun kafa gidauniyar tallafawa marayu.

 J

ami'an Ƴan sandan Dawakin Tofa sun  gidauniyar tallafawa marayu waɗanda iyayen su suka rasu suna bakin aiki.

Ƴan sandan sun kafa wannan gidauniya ne biyo bayan tarin marayu da ake dasu, waɗanda iyayen su ƴan sanda ne.

Ayayin taron ƙaddamar da gidauniyar wanda akayi a jiya acikin makarantar Firamare dake karamar hukumar Dawakin Tofa, ɗaukacin jami'an sun fito don nuna goyon bayansu.

A jawabin da matemakin shugaban gidauniyar ASP Usman Ubale Ukashatu yayi man ya bayyana cewar " wannan shine aikin daya dace suyi dan tallafawa ƴaƴan abokan aikin su.

Anasa jawabin ma'ajin gidauniyar DSP Alhaji Ashhabu yace "suna cire wani abu ne cikin Albashin su dan tallafawa ƴaƴan su, ya ƙara da cewa suna tunanin yadda zasu faɗaɗa gidauniyar zuwa ga kowa da kowa.

Wannan dai shine karo na farko da aka samu wasu ma'aikata da suka gina irin wannan gidauniya dan tallafawa ƴa ƴan abokan aikin su.

Aƙarshe jami'an sunyi kira ga sauran ma'aikata da suyi koyi da wannan aiki.
>.

Ina tausayawa duk shugaban da zezo. - sunusi.

 

Kar ku zaɓi duk ɗan takarar da ya ce gyaran Najeriya abu ne mai sauƙi - Sanusi

Muhammadu Sanusi ya ce "dole ne sai an shiga mawuyacin hali" kafin a gyara Najeriya

Tsohon Gwamnan Babban Bankin Najeriya Muhammadu Sanusi II ya gargaɗi 'yan ƙasar cewa gyaran Najeriya ba abu ne mai sauƙi ba, yana mai cewa duk ɗan takarar da ya faɗi akasin haka "ƙarya yake yi".

Kazalika Sanusi, wanda sarkin Kano ne mai murabus, ya shawarci masu jefa ƙuri'a da kar su zaɓi duk ɗan siyasar da ya ce gyaran Najeriya abu ne mai sauƙi.

"Matakan da za a ɗauka na gyara wannan [Najeriya] ba za su yi daɗi ba," in ji shi yayin da yake magana a taron zuba jari da gwamnatin Jihar Kaduna ta shirya ranar Asabar.

Taron ya samu halartar manyan baƙi kamar ɗan takarar shugaban ƙasa na jam'iyyar APC mai mulki, da Gwamnan Jigawa Abubakar Badaru, da Gwamnan Kebbi Atiku Bagudu da sauransu.

Haka nan, Ƙaramar Ministar Kasuwanci Mariam Yalwaji Katagum ce ta wakilci Shugaban Ƙasa Muhammadu Buhari a wurin taron da ake kira KadInvest, wanda ake gudanarwa shekara-shekara karo na bakwai - 7.0.

'Ko dai ƙarya yake yi muku ko kuma bai san aikin ba'

Muhammadu Sanusi ne mataimakin shugaban hukumar zuba jari ta Kaduna

Sanusi Lamido Sanusi - wanda a yanzu ake kira Muhammadu Sanusi - shi ne mataimakin shugaban hukumar zuba jari ta Kaduna mai suna Kaduna Investment Promotion Agency.

Da yake gabatar da jawabinsa, tsohon gwamnan na CBN ya ce ganin yadda ake samun raguwa a kuɗaɗen haraji da kuma ɗumbin bashin da ake bin Najeriya, wajibi ne a ɗauki "matakai masu tsauri".

"Matakan da za a ɗauka dole ne su zama masu tsauri. Saboda haka bari na shawarci 'yan siyasarmu, dole ne ku faɗa wa 'yan Najeriya gaskiya game da mawuyacin halin da za a shiga.

"Duk wanda ya faɗa muku cewa cikin sauƙi za a yi gyara kar ku zaɓe shi, saboda ko dai ƙarya yake yi muku ko kuma bai san irin aikin da ke gabansa ba."

Sarkin na Kano mai murabus yana ganin cewa lallai sai an gyara tsarin biyan kuɗin lantarki da farashin man fetur, yana mai cewa "ana zuzuta yawan man da 'yan Najeriya ke sha a kullum".

A cewarsa: "Wajibi ne sai an ɗauki matakan da suka dace. Amma kafin a yi hakan, dole sai an gyara adadi na ƙarya da ake bayyanawa, sai an yaƙi cin hanci."

Abin da sabon shugaban ƙasa ya kamata ya fara yi
Da ma an san Sanusi da ra'ayin goyon bayan cire tallafin man fetur, wanda bai gushe ba sai da ya yi kira ga duk wanda ya yi nasarar zama shugaban ƙasa a 2023 da ya yi bincike a ɓangaren tallafin.

Ya ce: "Ina fatan duk wanda ya zama shugaban ƙasa a 2023, abin da zai fara yi shi ne ya nemi kamfanin mai na NNPC ya yi bayani kan duk dalar da ya karɓa a matsayin kuɗin tallafin mai.

"Dole ne su ba da bayanan jiragen ruwan da suka shigo wanda kuma za a iya tabbatarwa daga kamfanonin inshora ko da gaske ne jirgin ya sauka a Najeriya a wannan ranar.

"Saboda doka ta ce dole ne sai an nuna hujja kafin a karɓi kuɗin tallafi kuma dole ne sai an ba da hujja cewa an kawo man a kan farashin da mutum ya ce ya kawo shi. Haka doka ta ce."

Tuni gwamnatin Buhari ta ce ta shirya daina biyan tallafin daga tsakiyar shekarar 2023, daidai lokacin da zai bar mulki bayan ya shafe wa'adi biyu na shekara takwas jimilla.

Rahotanni sun nuna cewa gwamnati na kashe fiye da naira tiriliyan ɗaya duk wata wajen biyan tallafin fetur, abin da masana tattalin arziki irin su Muhammadu Sanusi ke cewa gara a karkatar da su kan ayyukan raya ƙasa.

An zaɓi BUK a matsayin jami'ar da ta fi kowacce a Nijeriya kima a idon duniya.

An zaɓi BUK a matsayin jami'ar da ta fi kowacce a Nijeriya kima a idon duniya

.

The Times Higher Education, THE,   ta Daular Burtaniya ta sanya jami'ar Bayero, BUK a matsayin mafificiyar jami'a a Nijeriya da ke da kima a idon duniya, a shekarar 2023

Jami'ar ta kuma fito a matsayin lamba 1,016 a jerin Jami'o'in Duniya kuma ta 4 mafi kyau a Nijeriya.

Bisa kididdigar shekara ta duniya da aka fitar a ranar Talata, 11 ga watan Oktoba, sama da jami'o'i 2,500 a fadin duniya ne su ka gabatar da bayanai don tantancewa da kuma ƙima, wanda jami'o'i 97 suka fito daga Afirka.

THE bna ɗaya daga cikin cibiyoyi masu yi wa jami'o'i kima mafi girmamawa da martaba a duniya, wanda ke kimanta dubban jami'o'i a cikin kasashe sama da 104.

Kimanin jami'o'i 25 daga Nahiyar Afirka, ciki har da Jami'ar Bayero, daga cikin 97 da suka gabatar da bayanai su ka samu matsayi mai daraja a cikin tantancewar mai tsauri.

Tare da matsayinta na duniya, BUK yanzu tana ɗaya daga cikin mafi kyawun jami'o'i a Najeriya, tana bayan Jami'ar Ibadan, Jami'ar Legas da Jami'ar Alkawari a matsayin 1st, 2nd da 3rd mafi kyau bi da bi.

Daily Nigerian tace "Baya ga fitowa ta 4 a matsayi na kasa, Jami'ar Bayero kuma ita ce jami'a mafi kyau a daukacin yankunan Arewa maso Yamma, Arewa ta Tsakiya, Arewa maso Gabas, Kudu maso Gabas da Kudu-Kudu.

Rahoton ya ce matakin ya dogara ne akan ma'auni 13 da aka daidaita da ke auna ayyukan cibiya a fannoni hudu na koyarwa, bincike, canja wurin ilimi da hangen nesa na duniya.

Nine zanci zaɓen 2023. - Tinubu.

 ZAƁEN 2023: Inà tabbatar makú da céwa zan cí zaɓén  2023  - Céwar Bóla Tìnúbú 

Zan sauƙaƙéwa Al'ummar Nájeriya rayuwa, zan yaki ta'addanci zan yi Gwamnatin da zata toshe duk wata hanyar cuwa-cuwa da ake amfani dashi ana kwashe kudin jama'a kuma zamu yi amfani da kimiyya da fasaha wajen bunkasa tattalin arziki domin jin dadin yan Najeriya

Dokin karfe tace "Tinubu ya fadi haka ne yanzu a wajen taron bunkasa tattalin arzikin Kaduna kashi na 7 wato KADINVEST7.0"

Me Yasa ba'a ɗauki Ilimin Yara Da Mata Da Muhimmanci ba – Minista

 Me Yasa ba'a ɗauki Ilimin Yara Da Mata Da Muhimmanci ba – Minista

✍️ Abdul gaffar isah

Ministar harkokin mata Pauline Tallen, ta ce tilas ne Najeriya ta kara mai da hankali kan ilimin yara mata, saboda ana alakanta ‘ya’ya mata da kaso mai yawa na samun nasarori a harkokin ci gaban kowace al’umma.

Tallen ya bayyana haka ne a lokacin da take jawabi ga manema labarai a kusa da Kwalejin ’Yan mata ta Gwamnatin Tarayya, ta Bida.

Ta ce ‘ya’ya mata wani bangare ne mai matukar muhimmanci a cikin al’umma, don haka akwai bukatar a karfafa su musamman ta hanyar ilimi.

A cewarta, 'yan mata sun mamaye wani wuri na musamman a cikin gida kuma suna taka muhimmiyar rawa a cikin al'umma gaba daya.

Ministar ta ce, “Ilimin yarinya abu ne mai mahimmanci domin ita uwa ce.  Uwa mai ilimi za ta yi tarbiyyar 'ya'yanta da danginta da kyau.  Zata tabbatar da ‘ya’yanta sun tafi makaranta, namiji ne ko mace.

“Idan ka ilimantar da mace, kana karantar da iyali, al’umma da kasa baki daya.  Mu tabbatar yaran mu sun samu tarbiyya, domin ‘ya’yan su na gaba, idan babu ‘ya’ya babu makoma.

“Ilimi shine babban kadara da zai iya haifar da ci gaba mai ma’ana a Najeriya.  Idan babu ilimi babu abin da zai yi tasiri, don haka ina kira ga duk ‘yan Najeriya masu kishi da su tallafa wa ilimin yara da kuma tallafa wa ilimin kowane yaro da kuma tallafa wa gwamnati don ganin ba a bar wani yaro a baya ba.”

Tun da farko, a jawabinta, Madam Aisha Ahmad, Mataimakiyar Gwamna, Daraktan Tsare-tsaren Tsare-tsaren Kudi na Babban Bankin Najeriya (CBN), ta bayyana wakilcin jinsi, talauci, karancin ababen more rayuwa, karancin kudade da rashin tsaro a matsayin kalubalen da ke hana miliyoyin yara samun ingantaccen ilimi.

“Ana buƙatar kuɗi don biyan albashi da horar da malamai, kayan aikin koyarwa da ababen more rayuwa kamar azuzuwa, kayan koyarwa na ƙarni na 21 da fasahar dijital da sauransu.  Kuma zai zama kudi ne da aka kashe da kyau, kamar yadda UNESCO ta ce, kowane dalar Amurka 1 da ake kashewa a fannin ilimi, kamar dalar Amurka 10 zuwa dalar Amurka 15 za a iya samar da ita wajen bunkasar tattalin arziki.

“Hanyar inganta ingantaccen ilimi, gami da ilimi a Najeriya don amfani da cikakkiyar fa'idar tattalin arziki ta ta'allaka ne wajen warware matsalolin da aka gano.  Dole ne a ba da fifiko kan ilimantar da ‘ya’ya mata, idan aka yi la’akari da tasirin abubuwa da dama ga iyalansu da al’ummarsu,” inji ta.

Ƴan sanda sun kama shugaban APC da katin zaɓe sama da guda 300

Ƴan sanda sun kama shugaban APC da katin zaɓe sama da guda 300

✍️ Abdul gaffar isah

Jam’iyyar NNPP a jihar Kano, ta sanar da cewa, jami’an yan sanda sun samu nasarar cafke wani mutum mai suna Aminu Ali Shana, wanda shugaban jam’iyyar APC ne a mazabar Yautan Arewa dake yankin karamar hukumar Gabasawa a jihar Kano, an kama shi da katin zabe sama da 300 na mutane da suke bi suna baiwa kudi suna karbewa.

Cikin wata sanarwa mai dauke da sa hannun sakataren watsa labarai na NNPP Kano, Abdullahi Ibrahim Rogo, yace abinda shugaban APC ya aikata yaci karo da sashi na 21 da 22 sakin layi na 1, (a), (b) da kuma (c) cikin baka, na dokar zaɓe da aka yiwa kwaskwarima a shekarar 2022, saboda haka ne yasa shugaban NNPP na jihar Kano, Umar Haruna Doguwa, yayi umarnin daukar matakin shari’a akan wannan lamari.

Nasara fm Kano tace "Sanarwar ta ƙara da cewa, tuni aka tura lamarin zuwa sashen aikata manyan laifi (CID) domin fadada bincike, harma kuma jam’iyyar ta yaba da kokarin jami’an yan sanda, tare da kira a gare su, da su kara kaimi wajen bincike da cafke masu aikata laifi, musamman a yanzu da jam’iyyar APC ke kokarin dakile yawan masu zaɓe a jihar Kano, saboda ganin nasara na tare da NNPP.

lambar yabo ta kasa: SWAN ta yabawa FG bisa tunawa da Rashidi Yekini

lambar yabo ta kasa: SWAN ta yabawa FG bisa tunawa da Rashidi Yekini

✍️Abdul gaffar isah

Kungiyar Marubuta Wasanni ta Najeriya (SWAN) reshen jihar Kwara ta yabawa gwamnatin tarayya bisa yadda ta karrama fitaccen dan wasan kwallon kafa, Rashidi Yekini da lambar yabo ta MON bayan mutuwarsa.

Yekini, wanda ya fito daga Ira, karamar hukumar Oyun ta jihar Kwara ne ya ci wa Najeriya kwallo ta farko a gasar cin kofin duniya a shekarar 1994, ya kasance wani muhimmin bangare na gasar cin kofin duniya ta Super Eagles.

Marigayi fitaccen dan wasan kwallon kafa na daga cikin fitattun mutane 11 da suka fito daga jihar Kwara, da kuma ‘yan Najeriya 456 da aka ba su lambar yabo ta kasa, kuma yana daya daga cikin biyun da aka karrama daga jihar Kwara.

A cikin wata sanarwa da sakataren kungiyar ta Kwara SWAN, Olayinka Owolewa ya sanya wa hannu, wannan karramawar da aka yi wa Yekini na nuna irin gudunmawar da marigayi dan wasan ya bayar wajen bunkasa wasan fata na zagaye na biyu a Najeriya da Afirka da ma duniya baki daya.

"Yekini, wanda ya fi kowa zura kwallo a raga a Najeriya ya samu nasarar sana'a, wanda ya shafe fiye da shekaru ashirin, kuma yana da alaka da Vitória de Setúbal a Portugal, amma kuma ya taka leda a wasu kasashe shida ban da nasa," in ji SWAN.

Yekini ya ci kwallaye 37 a matsayin dan wasan kwallon kafa na Najeriya, kuma ya wakilci kasar a manyan gasa bakwai, ciki har da gasar cin kofin duniya guda biyu, inda ya zura kwallo ta farko a kasar a gasar.

An kuma ba shi kyautar Gwarzon Kwallon Afirka a 1993. Marigayi Yekini ya rasu a ranar 4 ga Mayu, 2012.

 Yan Najeriya sun samu dubbunan kudade.

✍️ Saifullahi Abdulhamid Shu'aibu

A jiya ne yan Najeriya da dama suka samu dubban kudade ta lalitar bankanansu.

Mun samu labarin irin dubbunan kudade da yan Najeriya suka samu ta lalitar bankunansu, sai dai bamu rahoton musbbabin abin da ya sa ake tura kudaden ba amma dai shaidu da dama sun tabbatar da samun wannan kudi.

Wani shaidar gani da ido ya tabbatar mana da cewa mafi akasari anfi turawa mutane naira dubu hurhudu kai wasu ma har dubu sha biyar.

Badamasi Aminu wanda aka fi sani da Bass Alkanawui daya ne daga cikin wakilan Muryar Dawakin Tofa ya shaida mana cewa shima yau ya samu sakon dubu hudu ta bankinsa kuma yana tsammanin irin wannan kudaden ne da ake turawa yan Najeriyar se dai ya shaida cewa yana tsammanin kudaden daga babban bankin kasa CBN a turance ake tura kudaden.

Zamu cigaba da bibiyar labarin domin kara gano wadanda suka samu nasu sakonnin.

A yau ake bikin ranar Matuƙa Adai-daita sahu.

 A yau ake bikin ranar Matuƙa Adai-daita sahu.

✍️ Abdul gaffar isah

Ƙungiyar matuƙa babura masu ƙafa uku sun gadanarda bikin ranar Matuƙa Adai-daita sahu.

Ajiya ne wasu daga cikin mambobin ƙungiyar suka shedawa manema labarai cewa zasu gudanar da bikin ne ayau Juma'a.

Matukan sun bayyana cewa " Ayau juma'a zasu ɗauki ɗalibai kyauta, idan kuma sun ga wanda yake da buƙatar temako zasu shima zasu ɗauke shi kyauta ko kuma suyi masa ragi.

A jawabin da shugaban matukan yayiwa gidan Rediyo Nasara yace " Dubban matasa ne ke samun Arziki da sana'ar, sedai yace "kashi 95 cikin 100 matasa ne. Ya kuma bayyana hakan a matsayin babban cigaba.

Kotu ta yanke wa budurwa hukuncin wata 6 a gidan yari bisa laifin yin sojan-gona.

 Kotu ta yanke wa budurwa hukuncin wata 6 a gidan yari bisa laifin yin sojan-gona

Kotun Majistre 54 da ke unguwar Noman's Land a jihar Kano ta yanke wa wata matshiya, Zainab Salisu Sheka hukuncin watanni shida a gidan yari bisa laifin yin sojan-gona.

Tun da fari, ƴan sanda ne su ka gurfanar da Zainab a gaban kotun, ƙarƙashin Mai Shari'a Ibrahim Mansur, bisa amfani da kayan ƴan sanda ta na bada hannu a danjar kan titin New Road da ke Sabongari.

Lauyan gwamnati mai gabatar da ƙara,  Barista Aminu Kawu ya roki kotu da ta karanto wa wacce ake tuhuma laifukan ta. Sai jami'in kotu Muhammad Zakirai ya karanto mata kuma ta amsa laifinta.

Sai dai kuma ta shaida wa kotun cewa aikin ne ya ke bata sha'awa shi ya sa ta yi.

Da ya ke yanke hukuncin, alkali Mansur ya yanke mata watanni shida a gidan yari ko tarar Naira dubu 50.